უკრაინა რუსეთის მიერ ოკუპირებული ტერიტორიის დასაბრუნებლად კონტრშეტევის დასაწყებად მზად არის, - ამის შესახებ უკრაინის პრეზიდენტმა, ვოლოდიმირ ზელენსკიმ Wall Street Journal-ს განუცხადა.
„მტკიცედ გვჯერა, რომ წარმატებას მივაღწევთ. არ ვიცი, რამდენი ხანი დასჭირდება, მაგრამ ვაპირებთ ამის გაკეთებას და მზად ვართ”, - აღნიშნა ზელენსკიმ.
შეგახსენებთ, ვოლოდიმირ ზელენსკიმ გასულ თვეში განაცხადა, რომ უკრაინას კონტრშეტევის დასაწყებად გარკვეული დრო კიდევ სჭირდებოდა და ქვეყანა დასავლური ჯავშანტექნიკის ჩასვლას უნდა დალოდებოდა.