ხელისუფლება საკუთარ თავს თვითონ უთხრის პოლიტიკურ სამარეს, - ამის შესახებ “გირჩის” დეპუტატმა იაგო ხვიჩიამ ჟურნალისტებთან რუსეთსა და საქართველოს შორის ფრენების აღდგენასთან დაკავშირებით განაცხადა.
როგორც მან აღნიშნა, სანქციებს არ გულშემატკივრობს, თუმცა ამ საკითხზე ხელისუფლების წარმოდგენა ზედმეტად ოპტიმისტურია.
“მე ზოგადად ვგულშემატკივრობ იმას, რომ ეს ქვეყანა არ დასანქცირდეს. შესაბამისად, ნიშნის მოგებით საუბარი ამ თემაზე არ მჩვევია, მაგრამ ხელისუფლების წარმოდგენა ყოველთვის ზედმეტად ოპტიმისტური იყო ამ პროცესთან დაკავშირებით. საბოლოო ჯამში, მე მგონია, რომ ისინი საკუთარ თავს თვითონ უთხრიან პოლიტიკურ სამარეს,“ - განაცხადა ხვიჩიამ.