უკრაინის სამხედრო მეთაურის თქმით, უკრაინულმა ჯარებმა ქალაქ ბახმუტთან წარმატებული კონტრშეტევის დროს რამდენიმე რუსი მებრძოლი მოკლეს. როგორც მან აღნიშნა, "რუსეთის ფედერაციის 72-ე ბრიგადის ქვედანაყოფი დამარცხდა". 
Telegram-ზე გავრცელებულ ვიდეოში ანდრეი ბილეცკის მოკლული რუსი სამხედროების რაოდენობა არ დაუსახელებია.

"დივიზიის მე-6 და მე-8 დანაყოფები სრულად განადგურდა, ჯავშანტექნიკის მნიშვნელოვან რაოდენობასთან ერთად", - თქვა მან.

ბილეცკიმ აღნიშნა, რომ აიყვანეს "საკმაო რაოდენობის ტყვეებიც", ხოლო "ვაგნერის მე-3 თავდასხმის ქვედანაყოფმა ასევე მძიმე დანაკარგები განიცადა".
მისივე თქმით, შეტევის შედეგად უკრაინულმა ძალებმა "სრულად გაათავისუფლეს" 3 კილომეტრის სიგანისა და 2,6 კილომეტრის  სიღრმის ტერიტორია. მას ზუსტი ადგილმდებარეობა არ მიუთითებია.
რამდენიმე თვეა ბახმუტში მძიმე ბრძოლები მიმდინარეობს. მოსკოვმა ქალაქის ასაღებად დიდი რაოდენობის ცოცხალი ძალა და რესურსი გამოიყენა, თუმცა სრული კონტროლის აღება და მნიშვნელოვანი წინსვლა ვერ მოახერხეს. ბახმუტში იბრძვიან რუსეთის მიერ დაქირავებული კერძო სამხედრო კომპანიის, ვაგნერის ჯარისკაცებიც.