შეერთებული შტატების სახელმწიფო მდივნის, ენტონი ბლინკენის აზრით, უკრაინას ყველა საჭირო რესურსი აქვს მოსალოდნელი კონტრშეტევების დროს ტერიტორიის დასაბრუნებლად.

"მათ ადგილზე აქვთ, რაც სჭირდებათ იმისთვის, რომ წარმატებით გააგრძელონ იმ ტერიტორიის დაბრუნება, რომელიც რუსეთმა ბოლო 14 თვის განმავლობაში ძალით მიიტაცა. არ იგულისხმება მხოლოდ იარაღი, მათ გავლილი აქვთ შესაბამისი ტრენინგიც, ასევე, უკრაინელებს შეუძლიათ შეინარჩუნონ სისტემები, რომლითაც ჩვენ მათ უზრუნველვყოფთ და, რა თქმა უნდა, მნიშვნელოვანია, რომ მათ ჰქონდეთ სწორი გეგმები, რომ მიაღწიონ წარმატებას", - თქვა ბლინკენმა.

გარდა ამისა, ბლინკენმა გუშინ შეერთებული შტატების 1.2 მილიარდი ღირებულების დახმარების ახალი პაკეტი გამოაცხადა, რომელიც განკუთვნილია საჰაერო თავდაცვის გასაძლიერებლად და საბრძოლო მასალის მომარაგებისთვის.