კულტურის მინისტრი თეა წულუკიანი "მთავარი არხის" დემფუძნებელ ნიკა გვარამიაზე უკრაინის რადას  ფრაქცია "ხალხის მსახურის" თავმჯდომარის, დავით არახამიას განცხადებას გამოეხმაურა და "მთავარ არხს" ურჩია "ცოტა მეტად დაინტერესდეს ქართველი ერის აზრით, ვიდრე უცხოელის".
წულუკიანმა თქვა, რომ ნიკა გვარამია "თავის ჟანრში" უბადლო და პროფესიონალია, მაგრამ უნდა შევეცადოთ, მის გარეშე ვიყოთ წარმატებული არხი.

"არ ვიცი რაზე მესაუბრებით, ნიკა გვარამია იხდის კანონიერ სასჯელს და არც შეწყალების უფლებამოსილება ჩემთვის არავის მოუცია.
[...] მე მესმის, რომ ნიკა გვარამია თავის ჟანრში უბადლო და პროფესიონალია, მაგრამ იქნებ მის გარეშე შეეცადოთ იყოთ წარმატებული არხი.
ალბათ კარგი იქნება მთავარი არხის ცხოვრებაში დადგეს ის დღე ცოტათი მეტად მაინც დაგაინტერესოთ რას ფიქრობს ქართველი ხალხი და მერე დაგაინტერესოთ, რას ფიქრობენ უცხოელები. ევროკავშირს მე თქვენ ალბათ ვერ მასწავლით და ვერც იმას თუ რა არის ევროკავშირის 12 რეკომენდაცია, როგორ მიიღწევა უვიზო მიმოსვლა და ასოცირების ხელშეკრულება. მართლა კეთილი გულით და ყველანაირი უკანა აზრების გარეშე გისურვებთ, რომ ცოტა მეტად თუ დაგაინტერესებთ ხოლმე ქართველი ერი რას ფიქრობს, ვიდრე მუდმივად უცხოელის აზრზე იყოთ ჩამოკიდებული, უკეთესი იქნება", - თქვა თეა წულუკიანმა.