უკრაინის თავდაცვის სამინისტროს მთავარი სადაზვერვო სამმართველოს ხელმძღვანელი, კირილ ბუდანოვი ამბობს, რომ უკრაინა, სიცოცხლის ფასად, არა მხოლოდ საკუთარ თავს, არამედ მთელ მსოფლიოს იცავს.
მისი თქმით, ყოველი რაკეტისა და ბომბისთვის, ყოველი დანგრეული სახლისთვის, ბავშვებისა და დედების უთვალავი მსხვერპლისა და ტანჯვისთვის, უკრაინაში ჩადენილი ყოველი დანაშაულისთვის, უკრაინელი ჯარისკაცები შურს იძიებენ.

"სამწუხაროდ, უკრაინა კვლავ არის აგრესორთან დაპირისპირების ეპიცენტრი, ახლა ჩვენ არა მარტო საკუთარ თავს, არამედ მთელ მსოფლიოს ვიცავთ ჩვენი სიცოცხლის ფასად. ომის გაჩაღების შემდეგ რაშისტებმა თავიანთი იმპერიული პროექტი „უკრაინის ისტორიის“ დასასრულად მიიჩნიეს. მაგრამ მათ შეხვდათ ბრძოლის ველზე ჩვენი გმირების უპრეცედენტო გამბედაობა, თავდადება და პროფესიონალიზმი, რკინის თავშეკავება, მეთაურების კომპეტენცია და მონდომება და რაც მთავარია, მთელი უკრაინელი ხალხის ტოტალური, ყოვლისმომცველი წინააღმდეგობა. ჩვენ მტკიცედ ვდგავართ, ვიბრძვით და ვცხოვრობთ! გამარჯვება ჩვენი იქნება", - თქვა ბუდანოვმა.

ბუდანოვი ამბობს, რომ მსოფლიოში ვერც ერთი ჯარი ვერ დაამარცხებს ერს, რომელსაც აქვს სიცოცხლის უკვდავი ნება, უძლეველი სიმტკიცე და ჰყავს ძლევამოსილი, მამაცი ჯარი.