უკრაინის შეიარაღებული ძალების გენერალური შტაბი აცხადებს, რომ დამცველებმა 8 მაისის ღამეს მტრის მიერ კიევის წინააღმდეგ გაშვებული 35 უპილოტო საფრენი აპარატიდან 35-ვე ჩამოაგდეს.

"შეტევა განხორციელდა ჩრდილოეთის მიმართულებით - სეშჩას აეროდრომიდან (რუსეთის ფედერაციის ბრაიანსკის ოლქი). 35-ვე შაჰედ-136/131 გაანადგურეს საჰაერო თავდაცვის ძალებმა და „ცენტრის“ სარდლობის საშუალებებმა, უკრაინის თავდაცვის ძალების კომპონენტებთან თანამშრომლობით", - ამბობს გენშტაბი.

გარდა ამისა, უკრაინის შეარაღებული ძალების ინფორმაციით, ღამით რუსები თავს დაესხნენ ოდესის რეგიონს შორ მანძილზე მოქმედი Tu-22m3 ტიპის ბომბდამშენებიდან. უკრაინის ცნობით, 8 გაშვება მოხდა ოკუპირებული ყირიმის ტერიტორიიდან. გენშტაბი ამბობს, რომ რაკეტების ნაწილმა მიზანს ვერ მიაღწია.