ამ დღეებში უდავოდ იქნება რუსეთის დარტყმები უკრაინის წინააღმდეგ - პოდოლიაკი
უკრაინის პრეზიდენტის ოფისის მრჩევლის, მიხაილო პოდოლიაკის თქმით, ამ დღეებში რუსეთმა შესაძლოა უკრაინაზე მორიგი სარაკეტო თავდასხმა განახორციელოს.
"უდავოდ იქნება დარტყმები. ეს არის ერთადერთი ინსტრუმენტი, რომელიც რუსეთს ჯერ კიდევ აქვს იმისათვის, რომ გავლენა მოახდინოს ფრონტის ხაზზე ნეგატიურად განვითარებულ სცენარებზე და მთლიანად ომის მსვლელობაზე. განსაკუთრებით მაისის ამ დღეებში, უდავოდ იქნება გარკვეული დარტყმები. ზოგადად უკრაინაში და კერძოდ, კიევში" - აღნიშნა მან.პოდოლიაკმა ასევე აღნიშნა, რომ რუსეთმა უკრაინის წინააღმდეგ ყველა ტიპის რაკეტა გამოიყენა, ამიტომ, მისი სიტყვებით, უკრაინელები რუსული ძალებისგან რაიმე კარდინალურ ცვლილებას არ ელოდებიან.