არსებული ინფორმაციით, ავტობუსი, რომლის საქარე მინაზე რუსეთის პრეზიდენტის უსაფრთხოების სამსახური გერბია დამაგრებული, თბილისში უკვე სამი დღეა გადაადგილდება. როგორ შემოვიდა და რა მიზნით, ჯერჯერობით უცნობია და უცნობია ისიც, დაინტერესდებიან თუ არა ქვეყნის ძალოვანი უწყებები საკითხით.
ავტობუსი სპორტის სასახლესთან იყო გაჩერებული, თუმცა ტერიტორია უკვე დატოვა. სამოქალაქო აქტივისტებმა დღეს ავტობუსს კვერცხები და წითელი საღებავები ესროლეს. იქამდე კი დაუდგენელმა პირებმა ავტობუსს "პუტინ ხუილო" მიაწერეს, რის წაშლასაც მისი მეპატრონეები ცდილობდნენ.
ისინი არ ამბობენ რა მიზნით იმყოფებიან ქვეყანაში და ამტკიცებენ, რომ საქართველო რუსეთის მიერ ოკუპირებული არაა.
სამოქალაქო აქტივისტებისა და ჟურნალისტების პარალელურად, ადგილზე მივიდა მამაკაცი, რომელიც ამტკიცებდა, რომ ავტობუსით მისი მეგობრები ჩამოვიდნენ და იქ რუსეთის გარდა, ბელარუსის მოქალაქეებიც იმყოფებოდნენ.