ღარიბაშვილი უნგრეთში, კონსერვატიულ კონფერენციაზე დასასწრებად გაემგზავრა
საქართველოს პრემიერ-მინისტრი ირაკლი ღარიბაშვილი უნგრეთის დედაქალაქ ბუდაპეშტში გაემგზავრა და ის კონსერვატიული პოლიტიკური მოქმედების ყოველწლიურ კონფერენციაზე (CPAC) მონაწილეობას მიიღებს.
ინფორმაციას საქართველოს მთავრობა ავრცელებს და აღნიშნავს, რომ კონფერენცია ბუდაპეშტში 4-5 მაისს ჩატარდება, სადაც დაგეგმილია საქართველოს პრემიერ-მინისტრის ირაკლი ღარიბაშვილის სიტყვით გამოსვლა.
მათივე ცნობით, ღარიბაშვილი ასევე გამართავს მაღალი დონის ორმხრივ შეხვედრებს.
მთავრობის ადმინისტრაციის ცნობით, საქართველოს დელეგაციის შემადგენლობაში, რომელსაც პრემიერ-მინისტრი ირაკლი ღარიბაშვილი ხელმძღვანელობს, საგარეო საქმეთა მინისტრი ილია დარჩიაშვილი და მთავრობის ადმინისტრაციის უფროსი რევაზ ჯაველიძე არიან.
ცნობისთვის, კონსერვატიულ კონფერენციაზე სიტყვით გამომსვლელთა სიაში ღარიბაშვილის გამოჩენას ნეგატიურად შეხვდნენ ქვეყნის დასავლელი პარტნიორები.
აღსანიშნავია, რომ ევროპაში "ქართული ოცნების" პარტნიორი, "ევროპელი სოციალისტების პარტიის" (PES) ლიდერებმა 28 აპრილს გამართულ ვიდეოკონფერენციაზე, ასევე, ისაუბრეს უნგრეთში ირაკლი ღარიბაშვილის დაგეგმილ ვიზიტზე. PES-ის განცხადებით,პარტია ღრმად შეშფოთებულია, რომ ღარიბაშვილი ბუდაპეშტში კონსერვატიულ ფორუმზე დასწრებას გეგმავს და აღნიშნავენ შემდეგს: "ოფიციალურად უნდა ვიმსჯელოთ ამ პარტიის სტატუსზე".
ინფორმაციას საქართველოს მთავრობა ავრცელებს და აღნიშნავს, რომ კონფერენცია ბუდაპეშტში 4-5 მაისს ჩატარდება, სადაც დაგეგმილია საქართველოს პრემიერ-მინისტრის ირაკლი ღარიბაშვილის სიტყვით გამოსვლა.
მათივე ცნობით, ღარიბაშვილი ასევე გამართავს მაღალი დონის ორმხრივ შეხვედრებს.
მთავრობის ადმინისტრაციის ცნობით, საქართველოს დელეგაციის შემადგენლობაში, რომელსაც პრემიერ-მინისტრი ირაკლი ღარიბაშვილი ხელმძღვანელობს, საგარეო საქმეთა მინისტრი ილია დარჩიაშვილი და მთავრობის ადმინისტრაციის უფროსი რევაზ ჯაველიძე არიან.
ცნობისთვის, კონსერვატიულ კონფერენციაზე სიტყვით გამომსვლელთა სიაში ღარიბაშვილის გამოჩენას ნეგატიურად შეხვდნენ ქვეყნის დასავლელი პარტნიორები.
აღსანიშნავია, რომ ევროპაში "ქართული ოცნების" პარტნიორი, "ევროპელი სოციალისტების პარტიის" (PES) ლიდერებმა 28 აპრილს გამართულ ვიდეოკონფერენციაზე, ასევე, ისაუბრეს უნგრეთში ირაკლი ღარიბაშვილის დაგეგმილ ვიზიტზე. PES-ის განცხადებით,პარტია ღრმად შეშფოთებულია, რომ ღარიბაშვილი ბუდაპეშტში კონსერვატიულ ფორუმზე დასწრებას გეგმავს და აღნიშნავენ შემდეგს: "ოფიციალურად უნდა ვიმსჯელოთ ამ პარტიის სტატუსზე".