"ფლოტის ნავთობის საცავი განადგურებულია, იწყება "ცხელი საკურორტო სეზონი“ - უკრაინის გენშტაბი სევასტოპოლზე
უკრაინის შეიარაღებული ძალების გენერალური შტაბი ოკუპირებულ სევასტოპოლში რუსეთის ნავთობის საცავში გუშინ მომხდარ მასშტაბურ აფეთქებასა და ხანძარს ეხმაურება და წერს, რომ როგორც დილის რეზიუმეში აღინიშნა, "სევასტოპოში შეშფოთებული არიან" , რადგან 10 ნავთობის ავზი, რომელთა საერთო ტევადობა დაახლოებით 40,000 ტონა იყო, ხანძრის შედეგად განადგურდა.
"ამასთან დაკავშირებით ქალაქში გავრცელდა პანიკური ჭორები რუსეთის საჰაერო თავდაცვის უუნარობის შესახებ, უზრუნველყოს საკუთარი სტრატეგიული ობიექტების უსაფრთხოება. თავის მხრივ, დროებით ოკუპირებულ ყირიმში ეგრეთ წოდებული "ცხელი სადღესასწაულო სეზონის“ დასაწყისის შეგრძნებაა. რუსმა სამხედროებმა დაიწყეს შვებულების მოხსენებების წერა“, - ნათქვამია განცხადებაში.აღსანიშნავია, რომ განადგურებული ნავთობის საცავი იყო რუსების სტრატეგიულად მნიშვნელოვანი ობიექტი. ის საწვავით ამარაგებდა რუსეთის ფედერაციის შავი ზღვის ფლოტის გემებს, რომლებმაც სარაკეტო დარტყმები განახორციელეს უკრაინის მშვიდობიან ქალაქებზე. რუსი ტერორისტების სამიზნე იყო მშვიდობიანი მოსახლეობა და სამოქალაქო ობიექტები. ამასთან, არსებული ინფორმაციით, ნავთობის საცავში გაჩენილ ხანძარს მსხვერპლი არ მოჰყოლია.