"ვაგნერის" დამფუძნებელი ევგენი პრიგოჟინი ომის დასრულების ინიციატივით გამოდის. "პუტინის მზარეული" თვლის, რომ რუსეთის ფედერაციამ უკრაინაში უკვე პრაქტიკულად ყველა "დავალება" შეასრულა და შეუძლია წერტილი დასვას. პრიგოჟინი ამას "საზოგადოებისა და ხელისუფლების ინტერესებით" ხსნის:

"ხელისუფლებისა და მთლიანად საზოგადოებისთვის, აუცილებელია სპეცოპერაციაში რაიმე გაბედული წერტილის დასმა.
იდეალური ვარიანტია გამოვაცხადოთ სპეცოპერაციის დასასრული, ყველას ვაცნობოთ, რომ რუსეთმა მიაღწია იმ შედეგებს, რაც დაგეგმილი იყო და, გარკვეულწილად, ჩვენ ნამდვილად მივაღწიეთ მათ. ჩვენ გავაჩერეთ უკრაინის შეიარაღებული ძალების დიდი რაოდენობით ჯარისკაცი და შეგვიძლია საკუთარ თავს ვაცნობოთ, რომ სპეცოპერაციის ამოცანები შესრულებულია.
....თეორიულად, რუსეთმა უკვე მოიპოვა ეს მსხვილი ქულა უკრაინის აქტიური მამრობითი სქესის მოსახლეობის დიდი ნაწილის განადგურებით, ევროპისკენ გაქცეული მეორე ნაწილის დაშინებით. რუსეთმა გაჭრა აზოვი და შავი ზღვის დიდი ნაწილი, წაართვა უკრაინის დიდი ნაწილი და შექმნა სახმელეთო დერეფანი ყირიმისკენ." ამბობს პრიგოჟინი მისი პრესსამსახურის მიერ გავრცელებულ ვრცელ კომენტარში

მისი თქმით, ახლა მთავარია "მტკიცედ, ფეხის მოკიდება" უკვე არსებულ ტერიტორიებზე. 
ამასთან, პრიგოჟინი მიიჩნევს, რომ არის "ერთი პრობლემა", რომელიც ომმა შექმნა: „თუ უკრაინა ადრე ყოფილი რუსეთის ნაწილი იყო, ახლა ის აბსოლუტურად ეროვნულზე ორიენტირებული სახელმწიფოა“.
ვრცელ სტატიაში, პრიგოჟინი განიხილავს ბახმუტის მნიშვნელობას, პენტაგონის საიდუმლო დოკუმენტების გაჟონვას და უკრაინის შეიარაღებული ძალების მომავალ კონტრშეტევას.