ასეთი ბინძური, მანიპულატორული რიტორიკის გამო, „ქართულ ოცნება“ მალე პერსონალურად დასანქცირდება, - ასე ეხმაურება „ერთიანი ნაციონალური მოძრაობის“ პოლიტსაბჭოს თავმჯდომარე, ლევან ბეჟაშვილი აშშ-ის სახელმწიფო დეპარტამენტთან დაკავშირებით „ქართული ოცნების“ თავმჯდომარის ირაკლი კობახიძის განცხადებას, რომ „არსებობს თემები, მათ შორის სატელეფონო საუბრებში, თუ რას ითხოვდნენ ხელისუფლებისგან“.
როგორც ბეჟაშვილი აცხადებს, „ქართული ოცნება“ ჩიხში შედის.
„შანტაჟი „ქართული ოცნების“ ლიდერის, კობახიძის მხრიდან, დიპლომატიური საუბრების გასაჯაროებაზე - ჩვენ ვნახეთ ერთი ასეთი მანიპულატორული გასაჯაროება ომის თემასთან დაკავშირებით, ახლა ამ თემასთან დაკავშირებით. ისინი შედიან ისეთ ჩიხში, სადაც გამოუვალი ვითარება იქნება და საერთაშორისო სანქციები უკვე მათ მიმართ, პერსონალურად დაწესდება ასეთი ბინძური, მანიპულატორული რიტორიკის გამო“, - განაცხადა ლევან ბეჟაშვილმა.