აშშ-ის სახელმწიფო დეპარტამენტის მიერ 4 ქართველი მოსამართლის დასანქცირებას საგანგებო ბრიფინგით ეხმაურება "ნაციონალური მოძრაობის" თავმჯდომარე ლევან ხაბეიშვილი. 

"ეს არის ნათელი დადასტურება, რომ საქართველოში არის კლანური, კორუფციული სასამართლო და ყველა პოლიტიკური პატიმარი, რომელიც დღეს სასჯელს იხდის აი ამ კორუფციული, პოლიტიკურად მოტივირებული სასამართლოს მიერ მისჯილი გადაწყვეტილებებით, სასწრაფოდ უნდა იყვნენ გათავისუფლებულები", - ამბობს ხაბეიშვილი. 

მისივე თქმით, ის, რაც დღეს სახდეპმა განაცხადა, ქართველი ხალხის და 7-9 მარტის აქციების დამსახურებაცაა.