უკრაინაში რუსეთის ომის დაწყების შემდეგ პირველად, ჩინეთის პრეზიდენტი სი ძინპინი უკრაინის პრეზიდენტ ვოლოდიმირ ზელენსკისთან საუბარს გეგმავს. ამის შესახებ ინფორმაციას The Wall street Journal წყაროებზე დაყრდნობით ავრცელებს.
მედია წერს, რომ ზელენსკისა და სი ძინპინს შორის საუბარი, სავარაუდოდ, სი ძინპინის რუსეთის პრეზიდენტთან შეხვედრის შემდეგ გაიმართება. 
მედიის ინფორმაციით, სი ძინპინი მოსკოვში ვიზიტს მომავალ კვირას გეგმავს.
სი ძინპინს ზელენსკისთან არ უსაუბრია მას შემდეგ, რაც 2022 წელს რუსეთის ჯარი უკრაინაში შეიჭრა, თუმცა რამდენჯერმე ჰქონდა კომუნიკაცია პუტინთან. უკრაინული მედიის ცნობით, უკრაინულ მხარეს სი ძინპინისა და ზელენსკის შესაძლო საუბართან დაკავშირებით კომენტარი ჯერჯერობით არ გაუკეთებია.