ოთხშაბათს კრემლის პრესსპიკერმა, დიმიტრი პესკოვმა ჟურნალისტებს განუცხადა, რომ უკრაინაში რუსეთის მიზნების მიღწევა შესაძლებელია მხოლოდ სამხედრო გზით. 

"ამ დრომდე არ არსებობს პროცესის მშვიდობიან კურსზე გადასვლის წინაპირობები. ჩვენთვის აბსოლუტური პრიორიტეტად რჩება და ყოველთვის იქნება ჩვენი მიზნების მიღწევა. ახლა მათი მიღწევა მხოლოდ სამხედრო გზით არის შესაძლებელი", - თქვა პესკოვმა. 

ცნობისთვის, კრემლი ამ პოზიციას გარკვეული პერიოდია ინარჩუნებს. 
თებერვლის ბოლოს ჩინეთმა გამოაქვეყნა „სამშვიდობო გეგმა“ უკრაინასთან დაკავშირებით, მაგრამ პესკოვმა განაცხადა, რომ მშვიდობის პერსპექტივა არ არსებობს.