ივანიშვილი აკონტროლებს პოლიტიკას, მედიას, შემოფარგლულია რუსეთით - ლორდთა პალატაში მიხეილ სააკაშვილის საკითხი განიხილეს
"სააკაშვილის საკითხს ნეგატიური გავლენა ექნება საქართველოს რეპუტაციაზე და მის განაცხადზე ევროკავშირის წევრობასთან დაკავშირებით!" - ამის შესახებ საქართველოს ხელისუფლება ევროკავშირისა და შეერთებული შტატების შემდეგ ახლა უკვე დიდი ბრიტანეთის ლორდთა პალატამ გააფრთხილა.
ბრიტანელმა კანონმდებლებმა საქართველოს მესამე პრეზიდენტის საკითხი სხდომაზე განიხილეს. ისაუბრეს საქართველოში რუსეთის გავლენებზე და ბიძინა ივანიშვილზეც, რომელსაც ლორდ რიჩარდ ჰარისის თქმით, თანამდებობა არ უკავია, თუმცა ქვეყანაში პოლიტიკურ, ეკონომიკურ და მედია გარემოს აკონტროლებს.
ბრიტანელმა კანონმდებლებმა საქართველოს მესამე პრეზიდენტის საკითხი სხდომაზე განიხილეს. ისაუბრეს საქართველოში რუსეთის გავლენებზე და ბიძინა ივანიშვილზეც, რომელსაც ლორდ რიჩარდ ჰარისის თქმით, თანამდებობა არ უკავია, თუმცა ქვეყანაში პოლიტიკურ, ეკონომიკურ და მედია გარემოს აკონტროლებს.
"მიხეილ სააკაშვილის დაუყოვნებლივ სჭირდება სამედიცინო მკურნალობა. საქართველოში არის მილიონერი, რომელიც აკონტროლებს ფინანსებს, პოლიტიკურ ცხოვრებას, მედიას და იგი შემოფარგლულია რუსეთით. აქ საკითხი დგას არა მარტო ადამიანის უფლებების დარღვევის არამედ საქართველოს ევროპული მომავლის კუთხით", - თქვა რიჩარდ ჰარისმა, ლორდთა პალატის წევრმა.ლორდთა პალატის წევრმა, გისელა სტიუარტმა სხდომაზე კითხვა დასვა ოლიგარქზე, მის გავლენებსა და სანქცირების საკითხზე, რაზეც ზაკ გოლდსმიტმა განაცხადა:
"ბიძინა ივანიშვილი არის მოქალაქე, მას არ აქვს ფორმალური და ლეგალური უფლება საქართველოს ხელისუფლებაზე. ჩვენ გვაქვს ანგარიშები მისი რუსეთთან კავშირის შესახებ. ასევე მოვისმინეთ საქართველოს მთავრობის პასუხი საერთაშორისო სანქციებზე რუსეთის წინააღმდეგ. ეს ყველაფერი უნდა გავითვალისწინოთ".ლორდთა პალატაში ისაუბრეს "მთავარი არხის" გენერალურ დირექტორ, ნიკა გვარამიაზეც.