სტოლტენბერგი - "თუ პუტინი მოიგებს, ეს იქნება სიგნალი ავტორიტარული რეჟიმებისთვის, რომ უნდა დაიწყო ომი, თუ გინდა, მიაღწიო შენსას"
მიუნხენის უსაფრთხოების კონფერენციაზე დღეს ნატოს გენერალური მდივანი, იენს სტოლტენბერგი სიტყვით გამოვიდა და განაცხადა, რომ მშვიდობის დამყარების ერთაერთი გზა პუტინის დამარცხებაა.
კონფერენციაზე სიტყვით გამოვიდნენ სხვა ქვეყნების ლიდერებიც. საფრანგეთის პრეზიდენტმა განაცხადა, რომ რუსეთთან დიალოგის დრო ჯერ არ დამდგარა, რადგან კრემლი კვლავ ომს ირჩევს.
"რუსეთის აგრესიული ომი უკრაინაში გრძელდება.ჩვენ შეიძლება ვიყოთ გაოგნებულები მისი სისასტიკით, მაგრამ არა გაკვირვებულები. რუსეთი მსგავსი აგრესიით მოქმედებდა ბოლო რამნდენიმე წლის განმავლობაში, ნატო და მისი მოკავშირეები კი ფლობდნენ ზუსტ ინფორმაციას საკუთარ დაზვერვაზე დაყრდნობით. მრავალი თვის განმავოლობაში ვცდილობდით, რომ რუსეთი დიპლიმატიაში ჩაგვერთო და ომის დაწყებამდე რამდენიმე დღის წინ, ზუსტად ამ ტრიბუნიდან გავაფრთხილე პუტინი, რომ უფსკრულის პირას იდგა. მაგრამ მიუხეავად ჩვენი მოწოდებებისა, მან ომის დაწყება არჩია. ახლა პუტინი არ აწყობს გეგმებს მშვიდობის მისაღწევად. ის აწყობს გეგმებს უფრო მეტი აგრესიისთვის. ახალი შეტევებისთვის. არ არის არანაირი ნიშანი იმისა, რომ მან თავის ამბიციებზე უარი თქვა. ბევრი თვლის, რომ ჩვენ მიერ უკრაინისთვის გაწეული დახმარება მოიცავს იმის რისკს, რომ მოხდება ესკალაცია. ნება მომეცით მკაფიოდ განვაცხადო: რისკისგან სრულიად თავისუფალი ვარიანტები არ არსებობს, მაგრამ ყველაზე დიდი რისკია, თუ პუტინი მოიგებს. თუ ის მოიგებს, ეს იქნება სიგნალი როგორც მისთვის, ასევე სხვა ავტორიტარული რეჟიმებისთვის, რომ უნდა დაიწყო ომი, თუ გინდა მიაღწიო შენსას",- თქვა სტოლტენბერგმა.მიუნხენში უსაფრთხოების კონფერენციაზე სიტყვით გამოსვლისას უკრაინის პრეზიდენტმა აღნიშნა, რომ სამყარომ იგნორირება არ უნდა გაუკეთოს კრემლის მცდელობებს, გაანადგუროს საერთაშორისო ინსტიტუტები, მოახდინოს სოციალური ცხოვრების დესტაბილიზაცია და აწარმოოს დეზინფორმაციული კამპანია. ვოლოდიმერ ზელენსკი დასავლეთის ქვეყნებს დახმარების მიწოდების დაჩქარებას სთხოვს.
კონფერენციაზე სიტყვით გამოვიდნენ სხვა ქვეყნების ლიდერებიც. საფრანგეთის პრეზიდენტმა განაცხადა, რომ რუსეთთან დიალოგის დრო ჯერ არ დამდგარა, რადგან კრემლი კვლავ ომს ირჩევს.