გერმანია და პოლონეთი უკრაინისთვის, "ლეოპარდების" ტიპის ტანკებისთვის საჭირო საბრძოლო მასალის მიწოდებაზეც შეთანხმდნენ. მედიის ინფორმაციით, უზრუნველყოფილი იქნება სათადარიგო ნაწილებისა და საბრძოლო მასალის მიწოდება. გერმანიის მთავრობის პრესსპიკერის, შტეფენ ჰებესტრაიტის თქმით, ამ საკითხზე საჭირო შეთანხმებები გერმანულ და პოლონურ კომპანიებს შორის უკვე მიღწეულია.
მოლაპარაკებები ორი ქვეყნის წარმომადგენლებმა დღეს, მიუნხენის უსაფრთხოების კონფერენციის ფარგლებში გამართეს.
შეხვედრა გერმანიის თავდაცვის მინისტრის, ბორის პისტორიუსის მონაწილეობით შედგა.