კულტურისა და სპორტის მინისტრის ინფორმაციით, სასამართლომ სისხლის სამართლის დამნაშავედ ცნო მოქალაქე, რომელმაც გასულ წელს წულუკიანზე პოსტი დაწერა.
საქმე ეხება 2022 წლის თებერვალში დაწერილ პოსტს. მოქალაქე ქეთი გაბიანმა თეა წულუკიანი შეურაცხმყოფლად მოიხსენია და დაწერა: "თეა წულუკიანი უნდა დავმარხო".

"ეს გახლავთ შარშან, თებერვალში მიღებული მკვლელობის მუქარა, რომელიც ავტორმა მოგვიანებით წაშალა.
მოცემული არსება, ვინმე ქეთევან გაბიანი (აწ უკვე ხაბიანი), რომელიც სასამართლო დარბაზში ვნახე პირველად, დღეს გამოცხადებული, პირველი ინსტანციის სასამართლოს განაჩენის თანახმად: ცნობილ იქნა დამნაშავედ საქართველოს სისხლის სამართლის კოდექსის 151-ე მუხლის პირველი ნაწილით და სასჯელად განესაზღვრა ჯარიმა 2000 ლარის ოდენობით.
დღეიდან იგი სისხლის სამართლის დამნაშავეა და არა - ნაცური კეთილშობილების დედამიწაზე დამკვიდრებისათვის მებრძოლი ენჯეო-ამორძალი.
ეს მნიშვნელოვანი სასამართლო პრეცედენტია!
მადლობას ვუხდი ჩემს ადვოკატს, ბატონ მალხაზ სალაყაიას!", - წერს წულუკიანი.