გერმანული Nordsee-Zeitung სავარაუდოდ, უკრაინისთვის გადასაცემი სამხედრო ტექნიკის ამსახველ ფოტომასალას აქვეყნებს, რომელიც გერმანიის პორტ ბრემერჰავენშია გადაღებული. მედიის ინფორმაციით, ტექნიკა იქ აშშ-დან ჩავიდა. 
გამოცემის ცნობით, პორტში ამჟამად 150-მდე ტანკია, რომელთა დანიშნულების საბოლოო ადგილი სავარაუდოდ უკრაინაა. საუბარია Bradley-ის ტიპის ტანკებზე, ასევე Avenger საჰაერო თავდაცვის სისტემებზე.
მედიის ინფორმაციით, სამშაბათ დილით, ზოგიერთი ამერიკული ტანკი სატვირთოებით, უკვე გაიყვანეს პორტიდან, ტრანსპორტირებისთვის მზადდება დანარჩენი ტექნიკაც. ჯერჯერობით ოფიციალური დადასტურება, რომ ტექნიკა უკრაინისთვისაა არ არ არსებობს, თუმცა ისინი სავარაუდოდ სწორედ აშშ-ს დახმარების პაკეტის ნაწილია ომში მყოფი ქვეყნისთვის. 
"ბრედლის გარდა", ადგილობრივმა ჟურნალისტებმა კიდევ 280 სხვადასხვა სამხედრო მანქანა დათვალეს.