Credit Suisse-მა რუსეთთან დაკავშირებული აქტივები და 17,6 მლრდ შვეიცარიული ფრანკი (19 მილიარდი აშშ დოლარი) დააყადაღა - ამის შესახებ გერმანული გამოცემა Sonntags Zeitung წერს და განმარტავს, რომ ამის მიზეზი რუსეთის უკრაინაში შეჭრაა. 
აქვე, მედიასაშუალება წერს, რომ ოფიციალური მონაცემებით, გაყინულია 7,5 მილიარდი შვეიცარიული ფრანკის აქტივები.
"მას შემდეგ, რაც ვლადიმერ პუტინი შეიჭრა უკრაინაში და გამოიწვია აგრესია და სისხლიანი ომი, დასავლეთის ქვეყნებმა დააწესეს სანქციები ოლიგარქების და ზოგ შემთხვევაში, რუსეთის სახელმწიფო ორგანოების წინააღმდეგ. შვეიცარია შეუერთდა ევროკავშირის სანქციებს და დაბლოკა რუსული აქტივები დაახლოებით 7,5 მილიარდი ფრანკის ოდენობით... თუმცა, Credit Suisse-ში გაცილებით მეტი ფულია" - აღნიშნულია სტატიაში.