თეთრი სახლის ინფორმაციით, პრეზიდენტ ჯო ბაიდენის ბრძანებით, ალასკის თავზე მფრინავი სხეული ჩამოაგდეს.

აშშ-ს ეროვნული უშიშროების საბჭოს სტრატეგიული კომუნიკაციების კოორდინატორის ჯონ კირბის თქმით, "თავდაცვის დეპარტამენტი ბოლო 24 საათის განმავლობაში თვალყურს ადევნებდა ალასკის საჰაერო სივრცის მაღალ ობიექტს"

მისივე თქმით, ობიექტი  40 000 ფუტის სიმაღლეზე დაფრინავდა და "გონივრულ საფრთხეს უქმნიდა სამოქალაქო ფრენის უსაფრთხოებას“.

გარდა ამისა მანვე განმარტა, რომ სიფრთხილის გამო და პენტაგონის რეკომენდაციით, პრეზიდენტმა ბაიდენმა სამხედროებს ობიექტის ჩამოგდება უბრძანა, თუმცა რა სახის ობიექტი იყო ამაზე ჯერ-ჯერობით არ საუბრობენ.

"ის ჩვენს ტერიტორიულ წყლებში მოხვდა, ახლა ეს წყლები გაყინულია, მაგრამ ტერიტორიულ საჰაერო სივრცესა და ტერიტორიულ წყლებზეა...ჩვენ ამას ვუწოდებთ ობიექტს, რადგანაც ეს საუკეთესო აღწერაა, რომელიც ამჟამად გვაქვს. არ ვიცით, ვინ ფლობს მას - სახელმწიფო, კორპორაციული თუ კერძოა, უბრალოდ არ ვიცით", - ამბობს კირბი

მისივე თქმით, ობიექტი გაცილებით პატარა იყო, ვიდრე ჩინური ჯაშუში-ბუშტი, რომელიც გასულ კვირას ჩამოაგდეს.