რუსეთიდან პირდაპირი ფრენების აღდგენას მივესალმებით - კობახიძე
აშშ-ს სახელმწიფო დეპარტამენტის გაფრთხილების მიუხედავად, პარლამენტის თავმჯდომარე რუსეთიდან საქართველოში პირდაპირი ფერენების აღდგენას მიესალმება. ირაკლი კობახიძის მტკიცებით, თავის დროზე რუსეთის მხრიდან დაწესებულმა სანქციამ მძიმე გავლენა იქონია საქართელოს იმ მოქალაქეებზე, რომლებიც რუსეთში ცხოვრობენ.
არ ვიცი, ვირაცა ამბობს, რომ სანქციები და სასჯელები უნდა მოგვიხსნას, ვიღაცა ამბობს, რომ კომპანიები უნდა დაისაჯონ. ეს ჩვენზე ხომ არ არის დამოკიდებული? არც კომპანიების დასჯა და არც სასჯელების მოხსნა. ეს არ არის ჩვენი გადასაწყვეტი საკიტხი. ჩვენ ჩვენი განცხადება გავაკეთეთ ფრენების აღდგენასთან დაკავშირებით.ჩვენი პოზიცია არის მარტივი: ეს იყო სანქცია, რომელიც თავის დროზე, 2019 წელს საქართველოს დაუწესა რუსეთმა , რამაც, რა თქმა უნდა, დაამძიმა ჩვენი მოქალაქეების მდგომარეობა და შეგახსენებთ, რომ საქართველოს 800 ათასი მოქალაქე, ქართელი ცხოვრობს რუსეთის ფედერაციაში. თუ ისინი ამ სანქციას მოხსნიან, ეს არის მათი გადაწყვეტილება, ჩვენ მივესალმებით გამომდინარე იქიდან, რომ ეს იქნება შეღავათი ჩვენი თანამემამულეებისთის, - თქვა კობახიძემ.