აშშ-ს  ეროვნული უშიშროების საბჭოს სპიკერი, ჯონ კირბი ამბობს, რომ თუ რუსეთმა გამარჯვება მოიპოვა ქალაქ სოლედარში, ან თუნდაც ბახმუტში, ეს ომის საერთო ტრაექტორიისთვის ცოტას ნიშნავს.
მან თეთრ სახლში ჟურნალისტებს განუცხადა:

"მაშინაც კი, თუ ბახმუტიც და სოლედარიც დაეცემა, ეს სტრატეგიულ გავლენას არ მოახდენს თავად ომზე. და ეს ნამდვილად არ შეაჩერებს ან შეანელებს უკრაინელებს". 

ცოტა ხნის წინ რუსეთის თავდაცვის სამინისტრომ ქალაქ სოლედარის აღების შესახებ განაცხადა. მათი მტკიცებით, რუსულმა ძალებმა ქალაქი ხუთშაბათს საღამოს დაიკავეს. აღნიშნული უკრაინამ უარყო - აღმოსავლეთ ძალების სპიკერი აცხადებს, რომ ქალაქისთვის ბრძოლები ამ დრომდე გრძელდება.