ვაგნერის ჯგუფის ლიდერი, ევგენი პრიგოჟინი სავარაუდოდ, ამზადებს საინფორმაციო პირობებს, რათა ბახმუტში წარუმატებლობა რუსეთის თავდაცვის მინისტრს სერგეი შოიგუსა და რუსეთის სამხედრო ინდუსტრიას დააბრალოს. ამის შესახებ ომის კვლევის ინსტიტუტი ყოველდღიურ განახლებაში (ISW) წერს. 
ISW-ის ცნობით, ვაგნერის მებრძოლებმა პრიგოჟინს საბრძოლო მასალების ნაკლებობისა და შეიარაღებული ძალების თავდაცვის გარღვევის სირთულეების შესახებ აცნობეს, რაც ექსპერტების აზრით, მიზნად ისახავს, პრიგოჟინის პასუხისმგებლობისგან გათავისუფლებას. 
გარდა ამისა, ყოველდღიურ მოხსენებაში ანალიტიკოსები წერენ, რომ პრიგოჟინის ცდილობდა გაემართლებინა ვაგნერის ჯგუფის შენელებული პროგრესი ბახმუტის რეგიონში. კერძოდ, 3 იანვარს, რუსული პროპაგანდისტული მედია, RIA Novosti-თვის მიცემულ ინტერვიუში, პრიგოჟინმა თქვა, რომ ბახმუტში ვაგნერის ძალებს არ შეუძლიათ უკრაინის თავდაცვის გარღვევა.
ექსპერტების თქმით, ეს მნიშვნელოვანი გარდამტეხი მომენტია პრიგოჟინისთვის, რადგან მან პირველად თქვა, რომ ვაგნერის მებრძოლებს ბახმუტში თითქმის არავითარი წინსვლა არ აქვთ.