მიხეილ სააკაშვილის სიცოცხლისთვის ბრძოლა არის ბრძოლა პოლიტიკაში მორალის დაბრუნებისთვის - ამ განცხადებას უკრაინის პრეზიდენტის მრჩეველი ოლექსი არესტოვიჩი აკეთებს. რუსი ბლოგერისა და უფლებადამცველის, მარკ ფეიგინის ინტერნეტ-გადაცემაში მან მოუწოდა ყველას, მონაწილეობა მიიღონ აქციებში, რომლებიც სხვადასხვა ქვეყნებში მდებარე საქართველოს საელჩოებთან გაიმართება.:

"საქმე ისაა, რომ პოლიტიკა დიდი ხანია ამორალური გახდა. არსებობს გარკვეული ჯგუფების ინტერესები, რომლებიც მიღებულია რომ ნებისმიერ ფასად იქნა ს გატარებული. ახლა, როდესაც ასეთი ომი მიმდინარეობს, რომელიც შეიძლება გასცდეს უკრაინისა და რუსეთის საზღვრებს, დროა, რომ ამაზე ვისაუბროთ. მე მინდა, რომ პოლიტიკაში მორალი დაბრუნდეს და ის ნელ-ნელა ბრუნდება კიდეც. ეს ომი მიხეილის სიცოცხლისთვის არის ბრძოლა პოლიტიკაში მორალისა და ღირებულებების დაბრუნებისთვის და სულ არ აქვს მნიშვნელობა რა ჰქვია ამ ადამიანს, რომელსაც ციხეში აწამებენ და კლავენ. ამიტომ, ნებისმიერი ადამიანი ვინც ამაში მონაწილეობას მიიღებს, იქნება ეს აქციაში ფიზიკურად მისვლით, სიტყვით, თუ სოცქსელებში ინფორმაციის გავრცელებით, მონაწილეობას იღებს ამ ბრძოლაში. " ამბობს არესტოვიჩი.

შეგახსენებთ, დღეს, 4 იანვარს მსოფლიოს სხვადასხვა ქალაქებსა და საქართველოს 8 ქალაქში, მიხეილ სააკაშვილის მხარდამჭერი აქცია გაიმართება, სადაც მოითხოვენ, მესამე პრეზიდენტს მიეცეს საზღვარგარეთ მკურნალობის საშუალება. 
მსოფლიოს ქალაქებში, საქართველოს საელჩოებთან აქციების გამართვის ინიციატივით სწორედ პუტინის რეჟიმთან დაპირისპირებული რუსი უფლებადამცველი მარკ ფეიგინი და უკრაინის პრეზიდენტის ადმინისტრაციის უფროსის მრჩეველი, ოლექსი არესტოვიჩი გამოვიდნენ.