"იმის გარდა, რას იტყვიან ადამიანები, რომლებიც გამოვლენ პლაკატებით აქციებზე, მნიშვნელოვანია რას იტყვიან ევროპელი და ამერიკელი პოლიტიკოსები, რომ ყველაფერი უკვე შორს წავიდა და ეს რამენაირად უნდა გადაწყდეს, ამ ეფექტზე გვაქვს გათვლა. ეს არის ღია გამოწვევა იმის მიმართ, რომ ადამიანის უფლებები არ არის საქართველოს შიდა საქმე. ადამიანის უფლებების და პოლიტპატიმრის უფლებების დაცვა, ეს არის საერთაშორისო სამართლის, ჰუმანიტარული სამართლის საკითხი და თვითონ საქართველოს ვალდებულება. იქნებ გარკვეული ძალები უშლიან ხელს ამ ევროპული წესების დაცვას, იქნებ ეს მოსკოვია ან მისი კონტრაგენტები. თუ სააკაშვილის საკითხი პირდაპირ შეხებაშია მოსკოვთან და მოსკოვში თითს უქნევენ ხელისუფლებას, მაშინ ეს საქართველოსთვის ძალიან სერიოზული პრობლემაა. პუტინს რომ სურს სააკაშვილი და მისი მოკვლა სურს, ამაში ეჭვი არ მეპარება, ეს აშკარაა. მეორე საკითხია, რა გამოდის, მოსკოვსა და პუტინს შეუძლიათ ისეთი გავლენის მოხდენა საქართველოს ხელისუფლებაზე, რომ მოსკოვი უარს არ ამბობს სააკაშვილზე შურისძიებაზე. შურისძიებაზე ომისთვის, მისი უკრაინელობისთვის, მისი ლანძღვისთვის. მაშინ ეს ძალიან სამწუხაროა და ევროკავშირთან მიერთების პერსპექტივა ძალიან ბუნდოვანი." - განაცხადა რუსმა უფლებადამცველმა.