პარლამენტის თავმჯდომარე შალვა პაპუაშვილი სოციალურ ქსელში 2011 წელს ადამიანის უფლებათა ევროპული სასამართლოს მიერ გირგვლიანის საქმეზე გამოტანილი განაჩენიდან ამონარიდს აქვეყნებს და აცხადებს, რომ „ქართული საზოგადოება კვლავ გაოგნებული უყურებს სააკაშვილის ქართველი მეგობრების და უცხოელი მფარველების შეთანხმებულ ქმედებებს, რათა აღნიშნული მკვლელობის საქმეზე მართლმსაჯულება არ აღსრულდეს.
„სასამართლო გაოგნებულია იმ შეთანხმებული ქმედებებით, რომლებითაც ხელისუფლების სხვადასხვა შტო მოქმედებდა… რათა [სანდრო გირგვლიანის] ამ საშინელი მკვლელობის საქმეზე მართლმსაჯულება არ აღსრულებულიყო“, - ადამიანის უფლებათა ევროპული სასამართლო, 2011 წელი.
წლები გადის, ქართული საზოგადოება კი კვლავ გაოგნებული უყურებს სააკაშვილის ქართველი მეგობრების და უცხოელი მფარველების შეთანხმებულ ქმედებებს, რათა ამ საშინელი მკვლელობის საქმეზე მართლმსაჯულება არ აღსრულდეს“, - წერს პაპუაშვილი.