ოკუპანტები უკრაინას ბომბავენ - აფეთქებები კიევშიც დაფიქსირდა
ახალი თავდასხმები უკრაინაზე, რუსმა ოკუპანტებმა კიევი დაბომბეს - ამის შესახებ ინფორმაციას დედაქალაქის მერი, ვიტალი კლიჩო ავრცელებს და წერს, რომ "დედაქალაქში რამდენიმე აფეთქება მოხდა".
"კიევში შესაძლოა, ელექტროენერგია გაითიშოს, დატენეთ ტელეფონები და სხვა მოწყობილობები. მოიმარაგეთ წყალი",- წერს კლიჩკო.მძიმე ვითარებაა ხარკოვშიც. ხარკოვის რეგიონალური სახელმწიფო ადმინისტრაციის ხელმძღვანელის ოლეგ სინეგუბოვი Telegram-ის არხში წერს, რომ დღეს დილიდან ოკუპანტებმა საჰაერო თავდასხმები განაახლეს. ვრცელდება ინფორმაცია, რომ მეტრომ მუშაობა შეწყვიტა.
"დღის განმავლობაში რუსი ოკუპანტები საარტილერიო ცეცხლსასროლი იარაღიდან ესროდნენ კუპიანის, ხარკოვისა და ჩუგუივის რაიონებში დასახლებებს, რომლებიც მდებარეობენ საკონტაქტო ხაზთან და რუსეთის ფედერაციის საზღვართან. კერძოდ, ცეცხლის ქვეშ იყო ქალაქები კუპიანსკი და ვოვჩანსკი, დასახლებები დვორიჩნა, კივშარივკა და სხვა დასახლებები. დაზიანდა საცხოვრებელი და კომერციული შენობები. მსხვერპლი და ნგრევა არ ყოფილა.ნიკოლაევის ოლქის ხელმძღვანელი ვიტალი კიმი წერს, რომ ნიკოლაევის ოლქის მახლობლად ზღვაზე რამდენიმე რაკეტა ჩამოაგდეს.ამასთან, ლვოვის რეგიონის მასშტაბით საჰაერო განგაშია გამოცხადებული.
რეგიონში განაღმვითი სამუშაოები გრძელდება. დღის განმავლობაში განეიტრალდა 57 ობიექტი. თუმცა საშიშროება ძალიან მაღალია. გუშინ ჩუგუივის რაიონში, ბუგაივკაში, ტყეში 47 წლის მამა და მისი 7 წლის ვაჟი დაშავდა. აფეთექბით მიღებული დაზიანებებით ორივე საავადმყოფოში გადაიყვანეს. ბავშვი მძიმე მდგომარეობაშია. მამის მდგომარეობა საშუალოა",- წერს სინეგუბოვი.