დაზარალებული ცინიკურად წარმოადგინეს, როგორც დამნაშავე - ზახაროვა ჰააგის გადაწყვეტილებაზე
რუსეთის საგარეო საქმეთა სამინისტროს ვებგვერდზე გამოქვეყნდა პრესსპიკერის, მარია ზახაროვას კომენტარი ჰააგის სისხლის სამართლის საერთაშორისო სასამართლოს გადაწყვეტილებაზე.
"სისხლის სამართლის საერთაშორისო სასამართლოს მიკერძოება ამ საქმეზე დიდი ხანია ცნობილია და არაერთხელ ყოფილა ჩვენი მხრიდან გამოხმაურება. მიუხედავად ამისა, სისხლის სამართლის საერთაშორისო სასამართლოს პროკურატურა არაერთხელ უსვამს ხაზს გარანტიებს მისი "დამოუკიდებლობის, მიუკერძოებლობისა და ობიექტურობის შესახებ", მათ შორის სამხრეთ ოსეთში მ. სააკაშვილის აგრესიული რეჟიმის მიერ გაჩაღებული კონფლიქტის გამოძიებაში.ცნობისთვის, ჰააგამ აგვისტოს ომის საქმეზე, საქართველოს სიტუაციის გამოძიება დაასრულა. დადასტურდა, რომ ქართულ მხარეს დანაშაული არ ჩაუდენია რუსული და საოკუპაციო რეჟიმებისგან განსხვავებით.
14 წლიანი მუშაობის განმავლობაში, ჰააგის გამომძიებლებმა, რომლებსაც არ ესმით რეგიონის სპეციფიკა, მაგრამ მორჩილად ასრულებდნენ სასამართლოს დასავლელი პატრონების პოლიტიკურ „ბრძანებას“, ვითარება გადაატრიალეს და ცინიკურად წარმოადგინეს ამ კონფლიქტში დაზარალებული მხარე, როგორც დამნაშავე. ასევე იგნორირებული იყო რუსეთის საგამოძიებო უწყებების მოცულობითი მასალები, რომლებიც გადაეცა პროკურატურას და საქართველოს თავდასხმის მსხვერპლი მშვიდობიანი მოსახლეობის საჩივრების ტომები.
შედეგად, [გაიცა] სამი ორდერი სამხრეთ ოსეთის მოქალაქეების დაკავების შესახებ, რომლებსაც ასევე აქვთ რუსეთის მოქალაქეობა. მათ ეთნიკური ქართველების მითიურ შევიწროებაში დასდეს ბრალი. ამავე დროს, ICC უარს ამბობს შემდგომ გამოძიებაზე, ისეთი აშკარა დანაშაულების, როგორიცაა ქართული ჯარების მიერ მშვიდობიანი ცხინვალის ბარბაროსული დაბომბვა და სამშვიდობოებზე თავდასხმა, არ არის ჰააგის მართლმსაჯულების ინტერესი.
ასეთი აშკარა ფარისევლობა და „ორმაგი სტანდარტები“ მართლმსაჯულებისადმი მიდგომებში კიდევ ერთხელ ადასტურებს ჩვენი ქვეყნის არჩევანის სისწორეს ხელმოწერის გატანის სასარგებლოდ ICC-ის რომის სტატუტიდან. ჩვენ არ გვაქვს ნდობა მის საფუძველზე შექმნილი სტრუქტურის მიმართ, მას არანაირი კავშირი არ აქვს სამართლიანობასთან.
შეგახსენებთ, რომ რუსეთი არ თანამშრომლობს ICC-სთან, ამ ორგანოს ქმედებები ჩვენი ქვეყნის მოქალაქეებთან მიმართებაში იურიდიულად ბათილია",- ვკითხულობთ განცხადებაში.