ფრაქცია "ქართული ოცნების" თავმჯდომარე, მამუკა მდინარაძეც ამტკიცებს, რომ მესამე პრეზიდენტი "ბინძურად სიმულირებს". მისი თქმით, მიხეილ სააკაშვილს თმის გვერდით გადავარცხნისა და წვერის გაპარსვის რესურსი ჰქონდა. მისივე თქმით, მოსახლეობის უმრავლესობამ პატიმარი დღეს სიმულაციაში კიდევ ერთხელ ამხილა.

"თქვენც გჯერათ იმდენად მძიმეა სააკაშვილის მდგომარეობა, რომ თმის გვერდზე გადავარცხნა და წვერის გაპარსვა ვერ მოახერხა?! მე ეს არ მჯერა, და არ სჯერა საქართველოს მოსახლეობის უდიდეს უმრავლესობას, რომელმაც დღეს, შეგიძლიათ გადახედოთ სოციალურ ქსელს და ა.შ. სიმულაციაში კიდევ ერთხელ ამხილა პატიმარი, რომელმაც გადაწყვიტა, რომ ამგვარად მოატყუოს საზოგადოება. [...] საქართველოს მოსახლეობის აბსოლუტური უმრავლესობა დღეს ფიქრობს, რომ მას თმა რომ გადაევარცხნა გვერდზე, წვერი არ მოეშვა და რაღაც მომაკვდავად არ მოეჩვენებინა თავი, ამის აბსოლუტური რესურსი ჰქონდა, ჩემი აზრითაც, ვეთანხმები საზოგადოების აზრს, რომ ეს ადამიანი ბინძურად სიმულირებს", - თქვა მდინარაძემ. 

მისი აზრით, დღეს მხეილ სააკაშვილს მხოლოდ ტყუილის რესურსი აქვს დარჩენილი.