უკრაინის პრეზიდენტი, ვლადიმირ ზელენსკი ამერიკის პრეზიდენ ჯო ბაიდენს ტელეფონით ესაუბრა. უკრაინული უწყებების ცნობით, ზელენსკიმ გლობალური სამშვიდობო სამიტის მოწვევის ინიციატივა გააჟღერა.
ზელენსკიმ მადლობა გადაუხადა ბაიდენს 9 დეკემბერს გამოცხადებული თავდაცვის კიდევ ერთი პაკეტისთვის, ასევე უკრაინის სუვერენიტეტისა და ტერიტორიული მთლიანობის მხარდაჭერისთვის და რუსული აგრესიის წინააღმდეგ საერთაშორისო ძალისხმევის კონსოლიდაციისთვის.
საუბრისას უკრაინის პრეზიდენტმა ხაზი გაუსვა აშშ-ის დახმარების მნიშვენლობას უკრაინის ენერგეტიკული სისტემის აღდგენის კუთხით.
ცნობისთვის, კვირას უკრაინის პრეზიდენტი ასევე ესაუბრა საფრანგეთისა და თურქეთის პრეზიდენტებს