"დიდი ოცეულის სამიტის მიმდინარეობისას უკრაინის მასიური დაბომბა რუსეთის მხრიდან დამცირებაა ყველა იმ ლიდერის, რომლებიც მხარს უჭერენ აგრესორთან "დიალოგს" - წერს ტვიტერის ოფიციალურ გვერდზე უკრაინის პრეზიდენტის ოფისის ხელმძღვანელის მრჩეველი, მიხაილო პოდოლიაკი დღევანდელ თავდასხმებთან დაკავშირებით. მისივე შეფასებით, რუსეთი არ სთავაზობს მოლაპარაკებებს დაპირისპირებულ მხარეს, არამედ აყენებს ტერიტორიულ ულტიმატუმებს.

 "გახსოვდეთ: რუსეთის ფედერაცია არ გვთავაზობს მოლაპარაკებებს, არამედ გვიყენებს ტერიტორიულ ულტიმატუმებს. ნებისმიერი ფლირტი ტერორისტთან მთავრდება რაკეტით საცხოვრებელ შენობაზე," - წერს პოდოლიაკი.

დღეს, 15 ნოემბერს რუსეთმა, კიევის, ხმელნიცკის, რივნეს, ვოლინის, ლვოვის, ასევე ჟიტომირის, ვინიცას, დნეპროპეტროვსკის, პოლტავასა და ხარკოვის რაიონებზე მასობრივი სარაკეტო იერიშები მიიტანა.