უკრაინის ხელისუფლება აცხადებს, რომ რუსეთმა მასირებული იერიში მიიტანა ენერგოობიექტებზე
უკრაინის ხელისუფლებამ გამოაცხადა, რომ კრიტიკულ ინფრასტრუქტურაზე რუსეთის დღევანდელი დარტყმების გამო, ქვეყნის დიდ ნაწილს ელექტროენერგიის მიწოდება შეუწყდა.
უკრაინის პრეზიდენტის ოფისის უფროსის მოადგილე კირილო ტიმოშენკო ტელეგრამზე წერს, რომ „რუსმა ტერორისტებმა ისევ მიაყენეს მასირებული დარტყმა“ უკრაინის ზოგიერთი ოლქის ენერგოსისტემის ობიექტებს. ტიმოშენკოს თანახმად, რუსული რაკეტების ნაწილი საჰაერო თავდაცვის სისტემამ ჩამოაგდო, ნაწილმა კი, სამიზნეებამდე მიაღწია.
დღეს დილით, რუსეთის სამხედრო ძალებმა იერიში მიიტანეს კიევის, ზაპოროჟიეს, ხარკოვის, პოლტავის, ჩერნოვიცკის და სხვა ოლქების ენერგოობიექტებზე. უკრაინის არმიის საჰაერო ძალების სარდლობის სპიკერის, იური იგნატის ინფორმაციით, რუსეთის როსტოვის ოლქიდან წამოსულმა ავიაგამანადგურებლებმა 20-ზე მეტი რაკეტა ისროლეს.
რუსეთის სამხედრო ძალებმა უკრაინის ენერგოსისტემაზე მასირებული შეტევა განახორციელეს 10 ოქტომბერსაც. ობიექტების ნაწილის განადგურების გამო, უკრაინის მთავრობამ ოქტომბრიდან აამოქმედა ელექტროენერგიის მიწოდების გრაფიკი.
უკრაინის პრეზიდენტის ოფისის უფროსის მოადგილე კირილო ტიმოშენკო ტელეგრამზე წერს, რომ „რუსმა ტერორისტებმა ისევ მიაყენეს მასირებული დარტყმა“ უკრაინის ზოგიერთი ოლქის ენერგოსისტემის ობიექტებს. ტიმოშენკოს თანახმად, რუსული რაკეტების ნაწილი საჰაერო თავდაცვის სისტემამ ჩამოაგდო, ნაწილმა კი, სამიზნეებამდე მიაღწია.
დღეს დილით, რუსეთის სამხედრო ძალებმა იერიში მიიტანეს კიევის, ზაპოროჟიეს, ხარკოვის, პოლტავის, ჩერნოვიცკის და სხვა ოლქების ენერგოობიექტებზე. უკრაინის არმიის საჰაერო ძალების სარდლობის სპიკერის, იური იგნატის ინფორმაციით, რუსეთის როსტოვის ოლქიდან წამოსულმა ავიაგამანადგურებლებმა 20-ზე მეტი რაკეტა ისროლეს.
რუსეთის სამხედრო ძალებმა უკრაინის ენერგოსისტემაზე მასირებული შეტევა განახორციელეს 10 ოქტომბერსაც. ობიექტების ნაწილის განადგურების გამო, უკრაინის მთავრობამ ოქტომბრიდან აამოქმედა ელექტროენერგიის მიწოდების გრაფიკი.