უკრაინის პრეზიდენტის ადმინისტრაციის უფროსის მრჩევლის, მიხაილო პოდოლიაკის თქმით, პუტინთან მოლაპარაკების გამართვას აზრი არ აქვს,რადგან რუსეთი არაადეკვატურ პოზიციას ინარჩუნებს.bმისივე თქმით, დონეცკის ან ლუგანსკის დეოკუპაცია რუსეთში პოლიტიკური ელიტის ცვლილებებს გამოიწვევს.

"რუსეთთან მოლაპარაკებების გამართვას აზრი არ აქვს. ისინი ამდრომდე ინარჩუნებენ არაადეკვატურ პოზიციას, პუტინს ჯერ კიდევ ის მიზნები ამოძრავებს, რაც 23 თებერვალს ჰქონდა. მან 8 თვის განმავლობაში ევოლუცია ვერ განიცადა. რუსეთში ახალი პროცესები იწყება, დონეცკის ან ლუგანსკის დეოკუპაცია რუსეთში პოლიტიკური ელიტის ცვლილებებს გამოიწვევს. რევოლუცია დაიწყება, დღესაც ვხედავთ, რომ დაპირისპირება დაწყებულია" -  ამბობს პოდოლიაკი.