რუსეთის საგარეო საქმეთა სამინისტრო იმუქრება, რომ აშშ-ის კომერციული თანამგზავრები, "შეიძლება გახდნენ დარტყმის ლეგიტიმური სამიზნე", თუ მათ უკრაინის დასახმარებლად გამოიყენებენ.
განცხადება სამინისტროს იარაღის გაუვრცელებლობისა და კონტროლის დეპარტამენტის დირექტორის მოადგილემ, კოსტიანტინ ვორონცოვმა გააკეთა.

"თანამგზავრული" ინფრასტრუქტურა შეიძლება იყოს შურისძიების ლეგიტიმური სამიზნე", - თქვა  ვორონცოვმა.

რუსეთი ამბობს, რომ დასავლეთის ქმედებების შედეგად, "მშვიდობიანი კოსმოსური საქმიანობის სტაბილურობა" რისკების ქვეშ დადგა.

"ჩვენ ვსაუბრობთ შეერთებული შტატებისა და მისი მოკავშირეების მიერ სამოქალაქო ინფრასტრუქტურის კომპონენტების გამოყენებაზე კოსმოსში, მათ შორის კომერციულში, შეიარაღებულ კონფლიქტებში", - წერია განცხადებაში. 

რუსეთი ამბობს, რომ აშშ-ს კომერციული თანამგზავრები, "კონფლიქტის" ფარგლებში უკრაინაში არ უნდა განლაგდნენ.