უკრაინის არმიის მიერ ხერსონის გათავისუფლება შეიძლება მოხდეს ორი სცენარის მიხედვით, - ამის შესახებ რუსეთის სახელმწიფო სათათბიროს ყოფილმა დეპუტატმა, ადვოკატმა მარკ ფეიგინმა განაცხადა. 
„თუ ხერსონი უკრაინის შეიარაღებულმა ძალებმა სამხედრო საშუალებებით მძიმე დანაკარგებით დაიკავეს, მაშინ შეიძლება განადგურდეს რუსეთის მთელი სამხედრო ჯგუფი მარჯვენა სანაპიროზე. შემდეგ კი შესაძლებელი იქნება მარცხენა სანაპიროს დაბომბვა უფრო ხელსაყრელი პოზიციებიდან. მელიტოპოლის ირგვლივ შეიძლება პარალიზება მოხდეს, რაც რუსებისთვის კიდევ უფრო უარესი იქნება“, - აღნიშნა მარკ ფეიგინმა.
მისი თქმით, კიდევ ერთი სცენარია, რომ უკრაინა ზამთრამდე ვერ დაიბრუნებს ხერსონს, რუსეთს კი ექნება დრო, რომ ფრონტზე პოზიციები ახლად მობილიზებული ჯარებით გაამყაროს.
„ამ შემთხვევაში, უკრაინის შეიარაღებული ძალები არ გადავლენ პირდაპირ შეტევაზე, არამედ შორიდან მნიშვნელოვან დარტყმას მიაყენებენ ოკუპანტს. შესაძლოა, კიდევ ერთი ხრიკი ითამაშოს აქ უკრაინამ: ხერსონში ელოდნენ - წავიდნენ იზიუმში. არ გამოვრიცხავ უკრაინის შეიარაღებული ძალების მანევრირებას, მათ შეუძლიათ მანევრირება და სხვა მიმართულებით დარტყმა“, - დასძინა უფლებადამცველმა.
ფეიგინმა, ასევე, აღნიშნა, რომ დასავლეთმა მტკიცედ გადაწყვიტა ბოლო მოეღოს „ვლადიმერ პუტინის“ პროექტს. 
„ბირთვული საფრთხეები გახდა ბოლო წვეთი. პუტინი დასრულდება. დასავლეთს მოკლევადიან პერსპექტივაში  შეუძლია კრემლთან შეთანხმება, რომ შეამციროს დაძაბულობა ბირთვულ იარაღთან დაკავშირებით. გრძელვადიან პერსპექტივაში შეთანხმების მიღწევა შეუძლებელია“, - განაცხადა ფეიგინმა.