უკრაინაში საკვანძო მოვლენები ფრონტზე ამჟამად დონეცკის ოლქის ბახმუტისა და ავდიივკას მახლობლად მიმდინარეობს. ამის შესახებ უკრაინის შინაგან საქმეთა მინისტრის მრჩეველმა ვადიმ დენისენკომ განაცხადა.
„თუ ვსაუბრობთ ფრონტზე არსებულ ვითარებაზე, მაშინ, ფაქტობრივად, საკვანძო მოვლენები უკვე გარკვეული პერიოდია პირდაპირ ბახმუტთან და ავდიივკასთან არის კონცენტრირებული. ანუ იქ (ფრონტზე) საკვანძო მოვლენები ხდება და იქ, პრინციპში, რუსები წარუმატებლად ცდილობენ შეტევას და ვერაფერს ახერხებენ“, - განაცხადა მან.
მან, ასევე ბელორუსის მხრიდან შესაძლოა თავდასხმაზეც ისაუბრა და აღნიშნა, რომ ახლა მათ საკმარისი აღჭურვილობა არ აქვთ.
„მათ არ აქვთ საკმარისი აღჭურვილობა ან ხალხი, რომ ახლა უკრაინის ტერიტორიაზე შემოჭრა დაიწყონ. ამას აკონტროლებს უკრაინის დაზვერვა“, - დასძინა დენისენკომ.