რუსეთის პრეზიდენტის პრესმდივანი, დმიტრი პესკოვის განცხადებით, კიევის მიერ „ბინძური ბომბის“ გამოყენების საფრთხე აშკარაა. მისი თქმით, ამის შესახებ ინფორმაცია დასავლეთს მიეწოდა, თუმცა მათი გადასაწყვეტია, დაიჯერებენ თუ არა.
„ფაქტია, რომ რუსული მხარის მიერ გავრცელებული ინფორმაციისადმი მათი უნდობლობა არ ნიშნავს, რომ ასეთი ბინძური ბომბის გამოყენების საფრთხე აღარ არსებობს. საფრთხე აშკარაა. შოიგუმ ეს ინფორმაცია დასავლეთს მიაწოდა და მათი გადასაწყვეტია, დაიჯერონ თუ არა“, - განაცხადა პესკოვმა და უპასუხა კითხვას, თუ რას ფიქრობს კრემლი იმ ფაქტზე, რომ დასავლეთს არ სჯერა კიევის მხრიდან ასეთი საფრთხის.
ცნობისთვის, რუსეთის თავდაცვის მინისტრმა სერგეი შოიგუმ 23 ოქტომბერს დასავლეთის 4 ქვეყნის - საფრანგეთის, თურქეთის, დიდი ბრიტანეთისა და  შეერთებული შტატების თავდაცვის მინისტრებს დაურეკა. შოიგუმ მათთან განიხილა „სიტუაცია“ უკრაინაში და აღნიშნა, რომ უკრაინა აპირებს, გამოიყენოს „ბინძური ბომბები“. ამის შემდეგ, ბრიტანეთის, აშშ-სა და საფრანგეთის საგარეო საქმეთა სამინისტროებმა ერთობლივი განცხადება გამოაქვეყნეს და აღნიშნეს, რომ რუსეთის თავდაცვის სამინისტროს ეს განცხადება სიცრუეა.