„ისრაელის სამხედრო მხარდაჭერის მნიშვნელობა გადაჭარბებულია, ეს არ გამოიწვევს უკრაინისთვის მნიშვნელოვან დახმარებას“, - ამის შესახებ უკრაინის საგანგებო და სრულუფლებიანმა ელჩმა ისრაელში ევგენი კორნიჩუკმა განაცხადა. 
„ვფიქრობ, ჩვენ გადაჭარბებულად ვაფასებთ ისრაელის სამხედრო მხარდაჭერის მნიშვნელობას“, - აღნიშნა ელჩმა. მისი აზრით, არ ღირს იმის მოლოდინი, რომ ისრაელის პოზიციის ცვლილება უკრაინას დაუყოვნებლივ დიდ დახმარებას მოუტანს.  მისი თქმით, ახლა ისრაელში მიმდინარეობს საარჩევნო კამპანია, რაც გავლენას ახდენს მინისტრების განცხადებებზე.
„ისრაელის მოსახლეობის უმრავლესობა მხარს გვიჭერს, მაგრამ ეს, სამწუხაროდ, პირდაპირ გავლენას არ ახდენს პოლიტიკოსების ქმედებებზე. შესაბამისად, მინისტრების პოზიციები განსხვავებულია“, - განაცხადა ელჩმა. 
უკრაინელმა დიპლომატმა ასევე გამოთქვა იმედი, რომ არჩევნებისა და ახალი მთავრობის დაკომპლექტების შემდეგ ისრაელი გააძლიერებს უკრაინის დახმარებას, მათ შორის იარაღის მიწოდებით.