ამერიკის სახელმწიფო დეპარტამენტის პრესსპიკერის, ვედანტ პატელის განაცხადებით, პუტინის მიერ უკრაინის ოკუპირებული დონეცკის, ლუგანსკის, ხერსონისა და ზაპოროჟიეს ოლქებში საომარი მდგომარეობის გამოცხადა "სასოწარკვეთილი ტაქტიკაა".

"არავისთვის გასაკვირი არ უნდა იყოს, რომ რუსეთი სასოწარკვეთილ ტაქტიკას მიმართავს ამ ოლქებში კონტროლის მოპოვების მიზნით. სიმართლე ისაა, რომ რუსეთი ამ რეგიონებში არ სჭირდებათ და უკრაინაში ხალხი უარყოფს რუსეთის უკანონო შეჭრასა და უკრაინის ტერიტორიის ძალით დაპყრობას", - აცხადებს პატელი.

პატელმა ხაზგასმით აღნიშნა, რომ რაც  უნდა თქვას ან გააკეთოს კრემლმა, როგორც არ უნდა ცდილობდეს რამის ამოქმედებას ქაღალდის, დადგენილების თუ სხვა რამის საშუალებით, ყირიმი, დონეცკი, ხერსონი, ლუგანსკი და ზაპოროჟიე უკრაინის სუვერენული ტერიტორიაა. 

"მათ არანაირი სამართლებრივი საფუძველი არ აქვთ. მათ არ აქვთ იურისდიქცია ამ ტერიტორიებზე. ეს არის უკრაინის მიწა და რუსეთმა, თავისი უკანონო ქმედებებით, უხეშად დაარღვია უკრაინის სუვერენიტეტი და ტერიტორიული მთლიანობა, ასევე დაარღვია გაერო-ს წესდება" - თქვა პატელმა

შეგახსენებთ, რომ  19 ოქტომბერს, რუსეთის პრეზიდენტმა, ვლადიმერ პუტინმა, რუსეთის მიერ ანექსირებულ უკრაინის ოთხ რეგიონში საომარი მდგომარეობა გამოაცხადა.