ხერსონის პორტიდან დაიწყო ხერსონის რაიონის მარჯვენა სანაპიროს მცხოვრებთა ორგანიზებული მოძრაობა დნეპრის მარცხენა სანაპიროზე -  ამის შესახებ ხერსონის მარიონეტული ადმინისტრაცია იტყობინება.

"ამისთვის ამოქმედდა ბორნები, რომლებსაც გადაჰყავს ხალხი ხერსონიდან ალიოშკში და გოლაია პრისტანში. ასევე განთავსდება დროებითი განსახლების ცენტრი. განათავსებენ დროებითი განსახლების პუნქტს, სადაც მაშველები გაანაწილებენ მგზავრობის მიმართულებას, რომელსაც თავად მოქალაქეები აირჩევენ სურვილის მიხედვით - წერს ქალაქი ოლეშკის ე.წ. ადმინისტრაცია საკუთარ ტელეგრამ არხზე.

ხერსონის ოლქის ე.წ. გუბერნატორის მოვალეობის შემსრულებელმა ვლადიმირ სალდომ გუშინ განაცხადა, რომ რეგიონის მარჯვენა სანაპიროდან მოსახლეობის ევაკუაცია  დნეპრის მარცხენა სანაპიროზე წყალდიდობის საფრთხის გამო ხდება, რომელიც შეიძლება გამოიწვიოს უკრაინელი სამხედროების იერიშმა კახოვკას ჰიდროელექტროსადგურის კაშხალზე.