წლის ბოლომდე გერმანია უკრაინისთვის სამხედრო დახმარების “უზარმაზარ პაკეტს” გამოჰყოფს,– ამის შესახებ გერმანიის თავდაცვის მინისტრმა კრისტინ ლამბრეხტმა ბერლინის საგარეო პოლიტიკურ ფორუმზე განაცხადა.
“ჯერ კიდევ ამ წელს გადაცემულ იქნება დაჯავშნილი საევაკუაციო მანქანები, ბრონირებული მანქანები Dingo, ხიდების დასაგები ტანკები, დამატებითი ჰაუბიცები Panzerhaubitze 2000, დამატებითი ზალპური ცეცხლის რეაქტიული სისტემები, დრონის საწინააღმდეგო სისტემები. ჩვენ უკრაინას მხარს დავუჭერთ განაღმვის საკითხში. ერთი სიტყვით, ეს არის უზარმაზარი პაკეტი, რომელიც გზაშია”, - განაცხადა ლამბრეხტმა და დასძინა რომ ბერლინს უკრაინისადმი შეიარაღების მიწოდების საკითხში “წითელი ხაზები” არ გააჩნია, თუმცა მხოლოდ ისეთ იარაღს მიაწვდის კიევს, რომელიც მოკავშირეებთანაა შეთანხმებული.
მისი შეფასებით, უკრაინას ახლა ყველაზე მეტად საჰაერო თავდაცვის საშუალებები და არტილერია სჭირდება.