ამის შესახებ რუსული მედია რუსეთის ხელისუფლების წყაროებზე დაყრდნობით წერს. მათი თქმით, რუსეთი სახელმწიფო საზღვრებს 28 სექტემბერს ჩაკეტავს. ეს უკრაინის ოკუპირებულ ტერიტორიებზე "რეფერენდუმის" შემდეგ დაუყოვნებლივ მოხდება.
კერძოდ, ყველა მამაკაცსა და ქალს, ვინც მობილიზებულია, აეკრძალება გასვლა. ჟურნალისტების ინფორმაციით, შესაბამისი კანონპროექტი სახელმწიფო სათათბიროს მომავალ სხდომაზე განიხილება და ასევე სწრაფად მიიღება.
შეგახსენებთ, რომ რუსეთის რამდენიმე რეგიონმა უკვე აკრძალა სამხედრო სამსახურზე პასუხისმგებელი პირების გამგზავრება ქალაქის ან რეგიონის გარეთ.