"რუსეთის პრეზიდენტს, ვლადიმერ პუტინს დასავლეთში უთხრეს, რომ ბირთვული იარაღის გამოყენების შემთხვევაში მას და რუსეთის ფედერაციას გამანადგურებელ დარტყმას მიაყენებენ", - ამის შესახებ პოლიტოლოგმა ანდრეი პიონტკოვსკიმ განაცხადა. მისი თქმით, პუტინი წარმატებით იყენებდა ბირთვულ შანტაჟს 15 წლის განმავლობაში, ამის წყალობით კი უკრაინა და საქართველო NATO-ში არ მიიღეს. გარდა ამისა, მისივე თქმით, არანაირი რეაქცია არ მოჰყოლია საქართველოს ომს, ყირიმის ანექსიას და ა.შ. 

პოლიტოლოგი მიიჩნევს, რომ დასავლეთმა საბოლოოდ დაძლია ამ შანტაჟის შიში და შექმნა ტაქტიკური ბირთვული იარაღის სისტემა. 

"პუტინს უთხრეს, რომ ბირთვული იარაღის გამოყენების გამო დასავლეთი მას არ დაემორჩილებოდა. გარდა ამისა უთხრეს ისიც, რომ  მზად იქნებოდნენ გამოიყენებინათ ტაქტიკური ატომური იარაღი, რათა გამანადგურებელი დარტყმა მიეყენებინათ რუსეთისთვის, მათ შორის პუტინისთვისაც. მათ უბრალოდ, უთხრეს, პუტინს, რომ მოკლავენ თუ ატომურ იარაღს გამოიყენებს"- თქვა პიონტკოვსკიმ

შეგახსენებთ, რომ 21 სექტემბერს კრელის ლიდერმა, ვლადიმერ პუტინმა საგანგებო გამოსვლაში, რომელიც რუსეთის ფედერაციაში ნაწილობრივი მობილიზაციის გამოცხადებას მიეძღვნა, ცინიკური განცხადება გააკეთა ბირთვულ იარაღთან დაკავშირებით. მისი თქმით, "ქარს შეუძლია შემობრუნდეს" იმ ადამიანების მიმართულებით, ვინც რუსეთს ემუქრება.