"ნაციონალური მოძრაობა ერთგვაროვანი ორგანიზმი აღარ არის. ენმ არ შედგება ერთი ცალკე აღებული, თუნდაც მსხვილი მხარდამჭერთა ჯგუფისგან. ეს არის ჩვენი არათუ სისუსტე, არამედ სიძლიერე  [...] ადვოკატებს დაცვის თავისი სტრატეგია აქვთ. მათ ჩემზე უკეთ იციან, რას რატომ საუბრობენ. მაგრამ, ნაციონალური მოძრაობის დამფუძნებელი, რომელიც ამ პარტიის განუყოფელი ნაწილია, ბუნებრივია, მუდმივად ამ პარტიასთან ერთად იქნება [...] ვინმეს უნდა თუ არ უნდა, მიხეილ სააკაშვილი პოლიტიკის განმსაზღვრელი იქნება. სააკაშვილი რომ ტყვეობაშია და კლინიკა ვივამედში იმყოფება, ის ახლა პოლიტიკაში არ არის?" - თქვა ერთიანი ნაციონალური მოძრაობის თავმჯდომარემ, ნიკა მელიამ. ექსპრეზიდენტის ადვოკატები ამბობენ, რომ მიხეილ სააკაშვილს ქართული პოლიტიკა აღარ აინტერესებს, საკუთარ თავს იქ ვეღარ ხედავს და პოლიტიკიდან გადის.