უკრაინის შეიარაღებული ძალების გენერალური შტაბის განცხადებით, უკრაინამ მტერს რამდენიმე მიმართულებით უკან დახევა აიძულა.
"ჩვენმა ჯარისკაცებმა წარმატებით შეაჩერეს მტრის თავდასხმის მცდელობები ბახმუტის მიმართულებით, კოდემასა და ბელოგოროვკას მიდამოებში, აგრეთვე სოფლების, სპორნოესა და ვერშინას აღების მცდელობა. ოკუპანტებმა ძლიერი წინააღმდეგობა მიიღეს, მნიშვნელოვანი დანაკარგები განიცადეს და უკან დაიხიეს", – აცხადებენ გენშტაბში.
მისი მონაცემებით, რუსეთი ხარკოვის მიმართულებით ცდილობს, შეინარჩუნოს ოკუპირებული ტერიტორიები.„სევერსკის მიმართულებით მოწინააღმდეგე უკრაინა-რუსეთის საზღვრის მონაკვეთის გაძლიერებულ დაცვას აგრძელებს.
სლავიანსკის მიმართულებით მტერი ცდილობს, გააუმჯობესოს ტაქტიკური მდგომარეობა და შეტევითი ოპერაციების ჩატარება სლავიანსკის მიმართულებით. მან არტილერიით ესროლა დიბროვნოეს, პოდოლოვკას, მაზანოვკას, ადამოვკას, ჩეპილის, კრასნოპოლიეს, კურულკას და სხვა ტერიტორიებს.
დონეცკის მიმართულებით მტერი აგრძელებს ცეცხლის გახსნას უკრაინის თავდაცვის ძალების ნაწილების წინააღმდეგ არტილერიიდან და ტანკებიდან, ახორციელებს დაზვერვას, ცდილობს აღმოაჩინოს სისუსტეები ჩვენი ჯარების დაცვაში. ძირითადი ძალისხმევა კონცენტრირებულია ბახმუტისა და ნოვოპავლოვსკის მიმართულებებზე, ცდილობს გადაადგილდეს სოლედარისა და ბახმუტის მიმართულებით.
კრამატორსკის მიმართულებით, მოწინააღმდეგე ახორციელებს გადაჯგუფებას, რათა განაახლოს შეტევა სევერსკის მიმართულებით.
„მტერმა საჰაერო დარტყმები განახორციელა ვერხნეკამენსკოეს და კამენკას მახლობლად. ჩვენმა დამცველებმა ვოდიანოეს მახლობლად მტრის შეტევის სწრაფად ჩაახშვეს. მტერმა უგლედარის ტერიტორიაზე სამოქალაქო ინფრასტრუქტურაზე სარაკეტო და საჰაერო დარტყმა განახორციელა.
იუჟნობუჟსკის მიმართულებით, ოკუპანტები სამოქალაქო და სამხედრო ინფრასტრუქტურის სისტემატურ დაბომბვას ახორციელებდნენ. მათ სარაკეტო თავდასხმა მოაწყვეს მიკოლაივზე და საჰაერო დარტყმები განახორციელეს ბოლშოი არტაკოვოსა და ოლგინოს რაიონებში", – აცხადებენ გენშტაბში.