რუსეთის უშიშროების საბჭოს მდივანმა ნიკოლაი პატრუშევმა განაცხადა, რომ რუსეთი უკრაინაში თავის მიზნებს აუცილებლად მიაღწევს. 
მისივე თქმით, ე.წ. სპეცოპერაციის დაწყება საჭირო იყო, რადგან უკრაინაში ფეხი „ნეონაციზმმა“ მოიკიდა. 
„სპეცოპერაციის მიზანი უკრაინის ნეონაცისტური რეჟიმის მიერ ხალხის გენოციდისგან დაცვის უზრუნველყოფაა, უკრაინის ტერიტორიის დემილიტარიზაცია და დენაციონალიზაცია, ფაქტობრივად მისი ნეიტრალური სტატუსის მიღწევა, რაც კონსტიტუციაში უნდა იყოს გაწერილი. აშშ-ისა და დასავლეთის მხრიდან უკრაინისთვის სამხედრო დახმარების გაწევის მიუხედავად, ეს მიზნები მიღწეული იქნება.
 
რუსეთს უნდა დაეწყო სპეციალური სამხედრო ოპერაცია, რადგან უკრაინაში ნეონაციზმის გავრცელება, მის ტერიტორიაზე ბიოლოგიური ლაბორატორიების ფუნქციონირება, რომლებიც ჩართულია აშშ-ის სამხედრო ბიოლოგიურ პროგრამაში, ისევე როგორც კიევის ხელისუფლების მიერ გამოცხადებული გეგმები, რუსეთს საფრთხეს უქმნიდა. გარდა ამისა, ბირთვულმა იარაღმა და ნატოში გაწევრიანებამ მნიშვნელოვანი საფრთხე შეუქმნა არამხოლოდ რუსეთის, არამედ მთელი მსოფლიოს უსაფრთხოებას“, - განაცხადა პატრუშევმა.