სლოვაკეთის პრემიერმინისტრი გერმანიის კანცლერს მოუწოდებს მხარი დაუჭიროს უკრაინისთვის, მოლდოვასა და საქართველოსთვის ევროკავშირის კანდიდატი ქვეყნის სტატუსის მინიჭებას. მან ასევე მოუწოდა ოლაფ შოლცს საკუთარი თვალით დაინახოს ომის საშინელებები. 
ედუარდ ჰეგერი ორშაბათს ეწვია გერმანიას, სამი ქვეყნის სახელით
შოლცმა და საფრანგეთის პრეზიდენტმა მაკრონმა ადრე განაცხადეს, რომ ევროკავშირმა არ უნდა დააჩქაროს პროცესი ამ სამეულისთვის. 

"ჩვენ უნდა გვესმოდეს, რომ გაფართოება აუცილებელია. მსოფლიოს სჭირდება ევროპა იყოს ძლიერი და ქვეყნები ელოდებიან",- განაცხადა ჰეგერმა POLITICO-სა და Welt-ის ერთობლივ ინტერვიუში. 

მოგვიანებით ჰეგერთან გამართულ პრესკონფერენციაზე შოლცმა თავი აარიდა მკაფიო პასუხს უკრაინის ევროკავშირში გაწევრიანებასთან დაკავშირებით და თქვა, რომ გერმანია, როგორც ევროკავშირი ერთიან მოქმედებებს აგრძელებს.
ჰეგერმა ინტერვიუში თქვა, რომ უკრაინის ან სხვების მიღება ევროკავშირის წევრობის ოფიციალურ კანდიდატებად მხოლოდ პირველი ნაბიჯი იქნება და რომ ნებისმიერი შემდგომი პროგრესი ბლოკში მათი ფაქტობრივი ჩართვისკენ უნდა იყოს "დაფუძნებული დამსახურებაზე".